ਨਵੀਂ ਦਿੱਲੀ- ਗੁਰਦੁਆਰਾ ਰਕਾਬਗੰਜ ਸਾਹਿਬ ਪਰਿਸਰ ਵਿੱਚ 1 ਜੁਲਾਈ 2021 ਨੂੰ ਦਿੱਲੀ ਪੁਲਿਸ ਵੱਲੋਂ ਕਿਸਾਨਾਂ ਨੂੰ ਹਿਰਾਸਤ ਵਿੱਚ ਲੈਣ ਦੇ ਮਾਮਲੇ ਉੱਤੇ ਵਿਵਾਦ ਹੋ ਗਿਆ ਹੈ। ਜਾਗੋ ਪਾਰਟੀ ਦੇ ਅੰਤਰਰਾਸ਼ਟਰੀ ਪ੍ਰਧਾਨ ਮਨਜੀਤ ਸਿੰਘ ਜੀਕੇ ਨੇ ਇਸ ਮਾਮਲੇ ਉੱਤੇ ਹਿਰਾਸਤ ਵਿੱਚ ਲਏ ਗਏ ਕਿਸਾਨਾਂ ਨਾਲ ਅੱਜ ਜਾਗੋ ਪਾਰਟੀ ਦਫ਼ਤਰ ਵਿੱਚ ਮੁਲਾਕਾਤ ਕਰਨ ਦੇ ਬਾਅਦ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਕਾਰਜਸ਼ੈਲੀ ਉੱਤੇ ਸਵਾਲ ਚੁੱਕੇ। ਕਮੇਟੀ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੂੰ ਲਿਖੇ ਪੱਤਰ ਵਿੱਚ ਜੀਕੇ ਨੇ ਸਿਰਸਾ ਤੋਂ 10 ਸਵਾਲ ਪੁੱਛੇ ਹਨ। ਜੀਕੇ ਨੇ ਸਿਰਸਾ ਤੋਂ ਪੁੱਛਿਆ ਹੈ ਕਿ ਪੁਲਿਸ ਨੂੰ ਗੁਰਦੁਆਰਾ ਪਰਿਸਰ ਵਿੱਚ ਆਉਣ ਅਤੇ ਕਿਸਾਨਾਂ ਨੂੰ ਹਿਰਾਸਤ ਵਿੱਚ ਲੈਣ ਦੀ ਮਨਜ਼ੂਰੀ ਕਿਸ ਨੇ ਦਿੱਤੀ ਸੀ ? ਕੀ ਗੁਰਦੁਆਰਾ ਪਰਿਸਰ ਵਿੱਚ ਵੀ ਧਾਰਾ 144 ਲਾਗੂ ਹੋ ਗਈ ਹੈ ? ਕਿਸਾਨਾਂ ਦੀ ਗੁਰਦੁਆਰਾ ਪਰਿਸਰ ਤੋਂ ਗਿਰਫਤਾਰੀ ਦੇ 7 ਦਿਨ ਬਾਅਦ ਤੁਸੀਂ ਚੁੱਪ ਕਿਉਂ ਹੋ ? ਪੁਲਿਸ ਨੇ ਬੱਚਿਆਂ ਨੂੰ ਦਬੋਚ ਕੇ ਬੱਸਾਂ ਵਿੱਚ ਭਰਿਆ, ਤੁਸੀਂ ਪੁਲਿਸ ਦੇ ਉੱਚ ਅਧਿਕਾਰੀਆਂ ਜਾਂ ਸਰਕਾਰ ਦੇ ਸਾਹਮਣੇ ਇਸ ਮਾਮਲੇ ਨੂੰ ਚੁੱਕਿਆ ? ਦਿੱਲੀ ਕਮੇਟੀ ਦਫ਼ਤਰ ਵਿੱਚ ਕਿਸਾਨਾਂ ਦੇ ਆਉਣ ਦੀ ਸੂਚਨਾ ਪੁਲਿਸ ਨੂੰ ਕੌਣ ਦਿੰਦਾ ਹੋ ? ਦਿੱਲੀ ਪੁਲਿਸ ਕਿਸ ਤਰ੍ਹਾਂ ਕਮੇਟੀ ਦਫ਼ਤਰ ਵਿੱਚ ਸੰਗਤ ਨੂੰ ਆਉਣ ਤੋਂ ਰੋਕ ਸਕਦੀ ਹੈ ? ਗੁਰਦੁਆਰਾ ਰਕਾਬਗੰਜ ਸਾਹਿਬ ਦਾ ਮੁੱਖ ਦਰਵਾਜ਼ਾ ਬੰਦ ਕਰਨ ਦੀ ਮਨਜ਼ੂਰੀ ਦਿੱਲੀ ਪੁਲਿਸ ਨੂੰ ਤੁਸੀਂ ਕਿਉਂ ਦਿੱਤੀ ? ਦਿੱਲੀ ਪੁਲਿਸ ਵੱਲੋਂ ਬੱਚਿਆਂ ਨੂੰ ਹਿਰਾਸਤ ਵਿੱਚ ਲੈਣ ਦੀ ਕੌਮੀ ਬਾਲ ਅਧਿਕਾਰ ਕਮਿਸ਼ਨ ਵਿੱਚ ਦਿੱਲੀ ਕਮੇਟੀ ਨੇ ਸ਼ਿਕਾਇਤ ਕਿਉਂ ਨਹੀਂ ਦਿੱਤੀ ? ਤੁਸੀਂ ਕਿਸਾਨਾਂ ਦੇ ਨਾਲ ਹੋ, ਜਾਂ ਪੁਲਿਸ ਦੇ ਨਾਲ ? ਦਿੱਲੀ ਕਮੇਟੀ ਸਟਾਫ਼ ਸੰਗਤਾਂ ਦੇ ਸ਼ਿਕਾਇਤੀ ਪੱਤਰ ਲੈਣ ਤੋਂ ਇਨਕਾਰ ਕਿਸ ਦੇ ਆਦੇਸ਼ ‘ਤੇ ਕਰ ਰਿਹਾ ਹੈਂ ?

ਜੀਕੇ ਨੇ ਦੱਸਿਆ ਕਿ ਸੋਸ਼ਲ ਮੀਡੀਆ ਉੱਤੇ ਗੁਰਦੁਆਰਾ ਰਕਾਬਗੰਜ ਸਾਹਿਬ ਪਰਿਸਰ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ, ਜਿਸ ਵਿੱਚ ਪੁਲਿਸ ਅਤੇ ਪੈਰਾ ਮਿਲਟਰੀ ਫੋਰਸ ਦੇ ਜਵਾਨ ਕੁੱਝ ਕਿਸਾਨ ਪਰਿਵਾਰਾਂ ਨੂੰ ਬੱਚਿਆਂ ਸਣੇ ਫੜ ਕੇ ਬੱਸਾਂ ਵਿੱਚ ਪਾ ਰਹੇ ਸਨ। ਇਹ ਘਟਨਾ 1 ਜੁਲਾਈ 2021 ਦੀ ਦੱਸੀ ਜਾ ਰਹੀ ਹੈ। ਅੱਜ ਇਹਨਾਂ ਵਿਚੋਂ ਕੁੱਝ ਲੋਕ ਸਾਡੇ ਕੋਲ ਪੁੱਜੇ ਅਤੇ ਦਾਅਵਾ ਕੀਤਾ ਕਿ ਦਿੱਲੀ ਪੁਲਿਸ ਨੇ ਇਨ੍ਹਾਂ ਨੂੰ ਗੁਰਦੁਆਰਾ ਰਕਾਬਗੰਜ ਸਾਹਿਬ ਪਰਿਸਰ ਵਿੱਚ 1 ਜੁਲਾਈ 2021 ਨੂੰ ਹਿਰਾਸਤ ਵਿੱਚ ਲੈ ਕੇ ਕੁੱਝ ਘੰਟੀਆਂ ਦੇ ਬਾਅਦ ਨਾਂ ਤੇ ਪਤਾ ਲਿਖ ਕੇ ਛੱਡ ਦਿੱਤਾ ਸੀ। ਜਦੋਂ ਕਿ ਉਨ੍ਹਾਂ ਨੇ ਸੰਸਦ ਮਾਰਗ ਸਥਿਤ ਡੀਸੀਪੀ ਦਫ਼ਤਰ ਵਿੱਚ ਜੰਤਰ-ਮੰਤਰ ਤੋਂ ਸੰਸਦ ਭਵਨ ਤੱਕ ਮਾਰਚ ਕੱਢਣ ਲਈ ਮਨਜ਼ੂਰੀ ਨਾਮਾ ਲਿਖਤੀ ਵਿੱਚ ਦਿੱਤਾ ਹੋਇਆ ਸੀ। ਜਿਵੇਂ ਹੀ ਇਹ ਗੁਰਦੁਆਰਾ ਰਕਾਬਗੰਜ ਸਾਹਿਬ ਦੇ ਦਰਬਾਰ ਹਾਲ ਵਿੱਚ ਅਰਦਾਸ ਕਰਨ ਦੇ ਬਾਅਦ ਆਪਣੇ ਤੈਅ ਸਥਾਨ ਜੰਤਰ-ਮੰਤਰ ਵੱਲ ਵਧਣ ਲਈ ਗੁਰਦੁਆਰਾ ਸਾਹਿਬ ਦੇ ਮੁੱਖ ਦਰਵਾਜ਼ੇ ਵੱਲ ਜਾ ਰਹੇ ਸਨ, ਤਾਂ ਪੁਲਿਸ ਨੇ ਗੁਰਦੁਆਰਾ ਰਕਾਬਗੰਜ ਸਾਹਿਬ ਦਾ ਮੁੱਖ ਦਰਵਾਜ਼ਾ ਬੰਦ ਕਰ ਦਿੱਤਾ ਅਤੇ ਇਨ੍ਹਾਂ ਨੂੰ ਗਿਰਫਤਾਰ ਕਰਨ ਲਈ ਚਾਰੋ ਪਾਸੋਂ ਘੇਰ ਲਿਆ। ਇਸ ਜ਼ਬਰਦਸਤੀ ਦੌਰਾਨ ਦਸਤਾਰਾਂ ਵੀ ਕਈ ਲੋਕਾਂ ਦੀ ਉੱਤਰ ਗਈਆਂ। ਇਹ ਚਿਲਾਉਂਦੇ ਰਹੇ ਕਿ ਮੁੱਖ ਦਰਵਾਜ਼ੇ ਖ਼ੋਲ ਕੇ ਸਾਨੂੰ ਜੰਤਰ-ਮੰਤਰ ਜਾਣ ਦਿੱਤਾ ਜਾਵੇ, ਪਰ ਪੁਲਿਸ ਨਹੀਂ ਮੰਨੀ। ਇਸ ਦੀ ਪੁਸ਼ਟੀ ਕਈ ਵੀਡੀਓ ਵੀ ਕਰ ਰਹੇ ਹਨ। ਇਸ ਦੇ ਇਲਾਵਾ ਇਨ੍ਹਾਂ ਦਾ ਦਾਅਵਾ ਹੈ ਕਿ 6 ਜੁਲਾਈ ਨੂੰ ਇਸ ਸਬੰਧੀ ਦਿੱਲੀ ਕਮੇਟੀ ਪ੍ਰਧਾਨ ਨੂੰ ਮਿਲਣ ਅਤੇ ਪੁਲਿਸ ਦੀ ਸ਼ਿਕਾਇਤ ਕਰਨ ਲਈ ਜਦੋਂ ਇਹ ਗੁਰਦੁਆਰਾ ਰਕਾਬਗੰਜ ਸਾਹਿਬ ਸਥਿਤ ਕਮੇਟੀ ਦਫ਼ਤਰ ਆਏ ਤਾਂ ਜਨਰਲ ਮੈਨੇਜਰ ਦੇ ਕਮਰੇ ਵਿੱਚ ਪੁਲਿਸ ਆ ਗਈ ਅਤੇ ਪੁਲਿਸ ਨੇ 1 ਜੁਲਾਈ ਦੇ ਬਾਅਦ 6 ਜੁਲਾਈ ਨੂੰ ਵੀ ਇਨ੍ਹਾਂ ਉੱਤੇ ਮੁਕੱਦਮੇ ਦਰਜ ਕਰ ਦਿੱਤੇ। ਜਿਸ ਦੇ ਬਾਅਦ 7 ਜੁਲਾਈ ਨੂੰ ਫਿਰ ਕਮੇਟੀ ਦਫ਼ਤਰ ਵਿੱਚ ਆਕੇ ਇਨ੍ਹਾਂ ਨੇ ਆਪਣਾ ਸ਼ਿਕਾਇਤੀ ਪੱਤਰ ਡਿਸਪੈਚ ਵਿਭਾਗ ਵਿੱਚ ਜ਼ਬਰਦਸਤੀ ਜਮਾਂ ਕਰਵਾਇਆ। ਇਸ ਲਈ ਇਹ ਗੰਭੀਰ ਮਸਲਾ ਹੈ, ਜਿਸ ਦਾ ਜਵਾਬ ਕਮੇਟੀ ਨੂੰ ਦੇਣਾ ਚਾਹੀਦਾ ਹੈ।

 

Leave a Reply

Your email address will not be published. Required fields are marked *