ਨਵੀਂ ਦਿੱਲੀ- ਫੈਡਰੇਸ਼ਨ ਆਫ਼ ਸਦਰ ਬਜ਼ਾਰ ਟ੍ਰੇਡਰਜ਼ ਐਸੋਸੀਏਸ਼ਨ ਦੇ ਮੀਤ ਪ੍ਰਧਾਨ ਨਰੇਸ਼ ਢੀਂਗਰਾ ਦੀ ਅਗਵਾਈ ਹੇਠ ਸਦਰ ਥਾਣਾ ਰੋਡ ਵਿਖੇ
ਵਪਾਰਕ ਮੀਟਿੰਗ ਹੋਈ, ਜਿਸ ਵਿੱਚ ਫੈਡਰੇਸ਼ਨ ਦੇ ਚੇਅਰਮੈਨ ਪਰਮਜੀਤ ਸਿੰਘ ਪੰਮਾ ਅਤੇ ਪ੍ਰਧਾਨ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦੇ ਸ਼ਹੀਦੀ ਦਿਹਾੜੇ ਮੌਕੇ ਸਰਦਾਰ ਭਗਤ ਸਿੰਘ, ਰਾਜਗੁਰੂ, ਸੁਖਦੇਵ ਨੂੰ ਸ਼ਰਧਾਂਜਲੀ ਭੇਟ ਕੀਤੀ।ਰਾਕੇਸ਼ ਯਾਦਵ ਨੇ ਵਪਾਰਕ ਮੀਟਿੰਗ ਨੂੰ
ਸੰਬੋਧਨ ਕਰਦੇ ਹੋਏ ਪ੍ਰਸ਼ਾਸਨ ਨੂੰ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਉਹ ਦਿਨ ਦੂਰ ਨਹੀਂ ਜਦੋਂ ਸਦਰ ਬਾਜ਼ਾਰ ਦੇ ਵਪਾਰੀ ਆਪਣੀਆਂ ਦੁਕਾਨਾਂ ਬੰਦ ਕਰਕੇ ਸੜਕਾਂ `ਤੇ ਉਤਰ ਆਉਣਗੇ, ਜਿਸ ਨਾਲ ਸਦਰ ਬਾਜ਼ਾਰ `ਚ ਜਿਸ ਤਰ੍ਹਾਂ ਦੇ ਹਾਲਾਤ ਬਣੇ ਹੋਏ ਹਨ। ਇੱਥੋਂ ਦੇ ਵਪਾਰੀਆਂ
ਲਈ ਬਹੁਤ ਖਤਰਨਾਕ ਹੈ ਅਤੇ ਜੇਬ ਕਤਰਿਆਂ ਨੇ ਆਪਣਾ ਜਾਲ ਵਿਛਾ ਦਿੱਤਾ ਹੈ ਜਿਸ ਵਿੱਚ ਕਈ ਵਪਾਰੀ ਇਨ੍ਹਾਂ ਦਾ ਸ਼ਿਕਾਰ ਹੋ ਜਾਂਦੇ ਹਨ, ਉਦਾਹਰਣ ਵਜੋਂ ਜੇਕਰ ਕੋਈ ਵਪਾਰੀ ਦਲਾਲਾਂ ਰਾਹੀਂ 50 ਹਜ਼ਾਰ ਦਾ ਮਾਲ ਲੈ ਜਾਂਦਾ ਹੈ ਤਾਂ 5 ਹਜ਼ਾਰ ਦਾ ਮਾਲ ਉਸ ਤੱਕ ਨਹੀਂ
ਪਹੁੰਚਦਾ। ਇਹ ਦਲਾਲ ਲੋਕਾਂ ਨੂੰ ਸਸਤੇ ਦਾ ਲਾਲਚ ਦੇ ਕੇ ਠੱਗਦੇ ਹਨ।ਪ੍ਰਸ਼ਾਸ਼ਨ ਕੁੰਭਕਰਨੀ ਨੀਂਦ ਸੁੱਤਾ ਪਿਆ ਹੈ, ਜਿਸ ਕਾਰਨ ਸਦਰ ਬਾਜ਼ਾਰ ਦੇ ਵਪਾਰੀਆਂ ਦਾ ਅਕਸ ਖਰਾਬ ਹੋ ਰਿਹਾ ਹੈ।ਇਸ ਮੌਕੇ ਜਨਰਲ ਸਕੱਤਰ ਸਤਪਾਲ ਸਿੰਘ ਮੰਗਾ ਅਤੇ ਕਮਲ ਕੁਮਾਰ ਨੇ ਕਿਹਾ ਕਿ
10 ਤੋਂ 12 ਵਿਅਕਤੀਆਂ ਦਾ ਟੋਲਾ ਆ ਕੇ ਵਪਾਰੀਆਂ ਨੂੰ ਆਪਣਾ ਸ਼ਿਕਾਰ ਬਣਾਉਂਦਾ ਹੈ ਅਤੇ ਵਿਰੋਧ ਕਰਨ ਵਾਲਿਆਂ ਨੂੰ ਧਮਕੀਆਂ ਦਿੱਤੀਆਂ ਜਾਂਦੀਆਂ ਹਨ, ਲੋਕਾਂ ਦੇ ਮੋਬਾਈਲ ਖੋਹਣੇ ਆਮ ਹੋ ਗਏ ਹਨ।ਇਸ ਮੌਕੇ ਚੇਅਰਮੈਨ ਪਰਮਜੀਤ ਸਿੰਘ ਪੰਮਾ, ਚੇਅਰਮੈਨ ਰਾਕੇਸ਼ ਯਾਦਵ,
ਵਾਈਸ ਚੇਅਰਮੈਨ ਪਵਨ ਖੰਡੇਲਵਾਲ, ਨਰੇਸ਼ ਜਿੰਦਲ, ਦੀਪਕ ਮਿੱਤਲ, ਰਾਜਕੁਮਾਰ ਗੁਪਤਾ, ਚੰਦਰ ਧਮਨ ਅਤੇ ਹੋਰ ਮੌਜੂਦ ਸਨ।